2,600 பி.இ., பட்டதாரிகளுக்கு வேலை

கடந்த ஆண்டில், பி.இ., படிப்பை முடித்த மாணவர்களில், 2,600 பேருக்கு, வேலை வாய்ப்பு கிடைத்துள்ளதாக, அண்ணா பல்கலை தெரிவித்துள்ளது.பல்கலை செய்திகுறிப்பு: கடந்த, 2013 14ம் கல்வி ஆண்டில், படிப்பை முடித்த பி.இ., பட்டதாரிகளுக்கு, பல்கலை சார்பில், சென்னை, கோவை, நெல்லை என, மூன்று மண்டலங்களில், வேலைவாய்ப்பு முகாம்கள் நடத்தப்பட்டன. இதில் பங்கேற்க, 24 ஆயிரம் மாணவர்கள், தகுதி பெற்றனர்.அவர்களில் இருந்து, 2,600 பேரை, இரு முன்னணி, 'சாப்ட்வேர்' நிறுவனங்கள் தேர்வு செய்தன. சென்னை மண்டலத்தில் தேர்வு பெற்ற மாணவர்களுக்கு, நேற்று, பணி நியமன உத்தரவு வழங்கப்பட்டது.கோவை மற்றும் நெல்லை மண்டலங்களில் தேர்வு பெற்ற மாணவர்களுக்கு, வரும், 13ம் தேதி, கோவையில், பணி நியமன உத்தரவு வழங்கப்படும்.இவ்வாறு, அண்ணா பல்கலை தெரிவித்துள்ளது.