சுபாஷ் சந்திரபோஸை ஸ்டாலின் தான் கொன்றிருக்கிறார்: சொல்கிறார் சு.சுவாமி

நேதாஜி சுபாஷ் சந்திரபோஸை ரஷ்யாவின் சர்வாதிகாரி ஸ்டாலின் தான் கொன்றிருக்கிறார் என்று சுப்பிரமணியன் சுவாமி தெரிவித்துள்ளார்.


கொல்கத்தாவில் இன்று நடந்த மெர்சண்ட் சேம்பர் நிகழ்ச்சியில் கலந்து கொண்டு பா.ஜ.க. மூத்த தலைவர் சுப்பிரமணியன் சுவாமி பேசும்போது, ''1945 ஆம் ஆண்டில் இறந்து விட்டதாக கருதப்படும் நேதஜி சுபாஷ் சந்திர போஸ், விமான விபத்தில் பலியானதாக கூறப்படுவது உண்மை அல்ல.

உண்மையில் அவர் சீனாவின் மன்சூரியா பகுதிக்கு தப்பிச் சென்றார். அப்போது, அந்த பகுதி ரஷ்யாவின் கட்டுப்பாட்டில் இருந்தது. இதனை அறிந்த சர்வாதிகாரி ஸ்டாலின் தான் அவரை சைபீரியாவிலுள்ள சிறையில் அடைத்து வைத்து 1953 ஆம் ஆண்டு வாக்கில் தூக்கிலிட்டோ அல்லது துன்புறுத்தியோ கொன்றிருக்கிறார்.

இது, அப்போதைய இந்திய பிரதமர் ஜவர்ஹலால் நேருவுக்கும் தெரியும். இது தொடர்பான உண்மைகள் எதிர்காலத்தில் வெளியாகும்" என்றார்