முழு நேர ஊழியர்களாக்க சத்துணவு ஊழியர்கள் கோரிக்கை

சத்துணவு ஊழியர்களை முழு நேர அரசு ஊழியர்களாக்க வேண்டும் என்று ஆற்காடு ஒன்றிய சத்துணவு ஊழியர்கள் சங்கம் வலியுறுத்தியுள்ளது.

ஆற்காட்டில் வெள்ளிக்கிழமை நடைபெற்ற சங்கத்தின் ஆலோசனைக் கூட்டத்தில், மேற்கண்ட கோரிக்கையை வலியுறுத்தி தீர்மானம் நிறைவேற்றப்பட்டது.கூட்டத்துக்கு ஒன்றியத் துணைத் தலைவர் மு.சம்பத் தலைமை வகித்தார்.மாவட்டச் செயலர் எஸ்.முரளிதாஸ், தலைவர் ஆர்.ராஜசேகர், ஒன்றியச் செயலர் நகராஜன், பொருளாளர் சத்திய நாராயணன், இணைச் செயலர் சி.ராதாகிருஷ்ணன், செயற்குழு உறுப்பினர் எம்.திருநாவுக்கரசு உள்ளிட்டோர் பங்கேற்றனர்.