அரசு இ–சேவை மையங்கள் மூலம் டி.என்.பி.எஸ்.இ.தேர்வுக்கு விண்ணப்பிக்கலாம்: திருப்பூர் கலெக்டர்

திருப்பூர் கலெக்டர் வெளியிட்டுள்ள அறிக்கை வெளியிட்டுள்ளார். அதில் அவர் கூறியிருப்பதாவது:–

தமிழ்நாடு அரசு கேபிள் டி.வி. நிறுவனம் திருப்பூர் மாவட்டத்திலுள்ள அனைத்து வட்டாட்சியர் அலுவலகங்களிலும். அரசு இ–சேவை மையங்களை அமைத்து நிர்வகித்து வருகிறது.


இந்த இ– சேவை மையங்கள் மூலமாக தமிழக அரசின் வருவாய்த் துறை மற்றும் சமூக நலத்துறை சார்ந்த பல்வேறு சேவைகள் இணைய வழி சேவை மூலமாக வழங்கப்பட்டு வருகிறது. இந்த சேவை மையங்கள் மூலமாக பிளாஸ்டிக் ஆதார் அட்டை பெறும் வசதி, ஆதார் அட்டை பதிவு செய்யும் போது தெரிவிக்கப்பட்ட செல்போன் எண்ணை மாற்றும் வசதி மற்றும் பாஸ்போர்ட் விண்ணப் பிக்கும் வசதியும் கூடுதலாக ஏற்படுத்தப்பட்டுள்ளது.

அவ்வகையில் தற்போது புதியதாக தமிழ்நாடு அரசுப்பணியாளர் தேர்வாணையம் மூலம் விண்ணப்பதாரர்களுக்கு நிரந்தரப்பதிவு செய்தல், தேர்வுகளுக்கு விண்ணப் பித்தல், விண்ணப்பங்களில் மாறுதல் செய்தல் மற்றும் விண்ணப்பத்தின் நகல் பெறுதல் ஆகிய சேவைகள் புதியதாக ஏற்படுத்தப்பட்டுள்ளன.மேற்படி சேவைகளை இ– சேவை மையங்களுக்கு செலுத்த வேண்டிய கட்டணங்களின் விவரங்கள் பின்வருமாறு:நிரந்தரப்பதிவு செய்ய ரூ.50,தேர்வுகளுக்கு விண்ணப்பிக்க ரூ.30,விண்ணப்பங்களில் மாறுதல் செய்ய ரூ.5, விண்ணப்பத்தில் மாறுதல் செய்து விண்ணப்பத்தின் நகல்பெற ரூ.20, விண்ணப்பதாரர்கள் தமிழ்நாடு அரசுப்பணியாளர் தேர்வாணையத்திற்கு செலுத்த வேண்டிய நிரந்தரப்பதிவு கட்டணமான ரூ.50 மற்றும் நிர்ணயிக்கப்பட்ட தேர்வுக் கட்டணம் ஆகியவற்றையும் இ–சேவை மையங்களிலேயே செலுத்தும் வசதியும் ஏற்படுத்தப்பட்டுள்ளது.பணம் செலுத்துவதற்கான ஒப்புகைச் சீட்டினையும் உடனடியாகப் பெற்றுக் கொள்ளலாம். எனவே, திருப்பூர் மாவட்ட விண்ணப்ப தாரர்கள் தமிழ்நாடு அரசு கேபிள் டி.வி. நிறுவனத்தால் வழங்கப்படும் இந்த சேவைகளைப் பயன்படுத்தி குறைந்த செலவில் தமிழ்நாடு அரசுப்பணியாளர் தேர்வாணையத்தால் நடத்தப்படும் தேர்வுகளுக்கு விண்ணப்பிக்க வேண்டும்.மேற்கண்டவாறு அதில் அவர் கூறியுள்ளார்.