அரசுப் பள்ளி மாணவர்கள் இடைநிற்றலை தடுக்க புதிய உத்திகளை வகுக்க வேண்டும் ! - Kalviseithi - No:1 Educational website in Tamilnadu

Oct 15, 2018

அரசுப் பள்ளி மாணவர்கள் இடைநிற்றலை தடுக்க புதிய உத்திகளை வகுக்க வேண்டும் !


அரசுப் பள்ளி மாணவர்கள் இடைநிற்றலை தடுக்க புதிய உத்திகளை வகுக்க வேண்டும் என பாமக நிறுவனர் ராமதாஸ் வலியுறுத்தியுள்ளார்.
 இதுதொடர்பாக அவர் ஞாயிற்றுக்கிழமை வெளியிட்ட அறிக்கை:

 தமிழக அரசு தொடக்கப் பள்ளிகளில் இருந்து வரும் அரை சதவீத இடைநிற்றல் விகிதத்தை 0.1 சதவீதமாகவும், இடைநிலைப் பள்ளிகளில் இருந்து வரும் 1 சதவீத இடைநிற்றலை, அரை சதவீதமாகவும் குறைக்க கடந்த ஆண்டில் இலக்கு நிர்ணயிக்கப்பட்டிருந்தது. ஆனால், தொடக்கப் பள்ளி இடைநிற்றல் விகிதம் 0.88 சதவீதமாகவும், இடைநிலைப் பள்ளி இடைநிற்றல் விகிதம் 1.12 சதவீதமாகவும் அதிகரித்திருக்கிறது.

அதுபோல உயர்நிலை வகுப்புகளின் இடைநிற்றல் விகிதம் 3.75 சதவீதமாகவும், மேல்நிலை வகுப்புகளின் இடைநிற்றல் விகிதம் 1.69 சதவீதமாகவும் அதிகரித்திருக்கிறது.
 அரசுப் பள்ளிகளில் பயிலும் மாணவர்கள் ஒவ்வொருவருக்கும் சராசரியாக ரூ.30 ஆயிரத்துக்கும் கூடுதலாக செலவழிக்கப்படுகிறது. இது மத்திய அரசுப் பள்ளிகளில் மாணவர்களுக்குச் செலவழிக்கப்படும் தொகையைவிட கூடுதலாகும். மேலும் விலையில்லா மடிக் கணினி, இடைநிற்றலைத் தடுப்பதற்காக சிறப்பு உதவித் தொகையும் மாணவர்களுக்கு வழங்கப்பட்டது. ஆனால், இவற்றால் எந்தவொரு முன்னேற்றமும் ஏற்படவில்லை.

 எனவே, மாணவர்கள் இடைநிற்றலுக்கு இலவசங்கள், நிதியுதவியையும் தாண்டி வேறு ஏதோவொரு குறை இருக்கிறது என்பதை ஆட்சியாளர்கள் உணர வேண்டும்.

 அரசுப் பள்ளிகளில் உள்ள வசதிகள் குறித்து பரப்புரை செய்வதன் மூலம் இடைநிற்றலைக் கட்டுப்படுத்தப் போவதாக மத்திய அரசிடம் தமிழக அரசு கூறியிருக்கிறது.

அரசு பள்ளிகளில் கட்டமைப்பு இல்லாமல் இத்தகைய பரப்புரைகள் பயனளிக்காது. எனவே, இடைநிற்றலை தடுப்பதற்கு கல்வியாளர்கள் அடங்கிய குழுவை அமைத்து, அவர்களின் பரிந்துரைகளின் அடிப்படையில் புதிய உத்திகளை வகுக்க வேண்டும் என ராமதாஸ் தெரிவித்துள்ளார்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி