16 ஆயிரம் ஆசிரியர்களை இடம் மாற்ற அரசு உத்தரவு - Kalviseithi - No:1 Educational website in Tamilnadu

Jun 24, 2019

16 ஆயிரம் ஆசிரியர்களை இடம் மாற்ற அரசு உத்தரவு


அரசு பள்ளிகளில் கூடுதலாக உள்ள, 16 ஆயிரம் ஆசிரியர்களை இடமாற்றம் செய்ய, தமிழக அரசு உத்தரவிட்டுள்ளது.தமிழகத்தில் உள்ள, அரசு பள்ளி ஆசிரியர்களுக்கு, ஆண்டுதோறும் பொது இடமாறுதல் கவுன்சிலிங் நடத்தப்படும்.

இந்த ஆண்டுக்கான இடமாறுதல் கவுன்சிலிங், ஜூலை, 8ல் நடக்கிறது. அதற்கு முன், அரசு பள்ளிகளில் கூடுதலாக உள்ள ஆசிரியர்களை இடமாற்றம் செய்ய, அரசு உத்தரவிட்டுள்ளது.தொடக்க கல்வியில் இடைநிலை ஆசிரியர்கள், 2,008; பட்டதாரி ஆசிரியர்கள், 271 என, 2,279 பேர், மாணவர் விகிதத்தை விட கூடுதலாக உள்ளனர்.பள்ளி கல்வியில், உயர்நிலை மற்றும் மேல்நிலைப் பள்ளிகளில், முதுநிலை ஆசிரியர்கள், 208; இடைநிலை மற்றும் பட்டதாரி ஆசிரியர்கள், 13 ஆயிரத்து, 623 என, மொத்தம், 13 ஆயிரத்து, 831 பேர், மாணவர் விகிதத்தை விட கூடுதலாக உள்ளனர்.

தொடக்க கல்வி மற்றும் பள்ளி கல்வித் துறைகளில் சேர்த்து, மொத்தமாக, 16 ஆயிரத்து, 110 ஆசிரியர்கள் உபரி ஆசிரியர்களாக கண்டறியப்பட்டு உள்ளனர்.

இவர்களை, போதிய மாணவர்கள் இருந்தும், ஆசிரியர்கள் இல்லாத பள்ளிகளுக்கு, பணி நிரவல் அடிப்படையில் இடமாற்றம் செய்ய வேண்டும் என, பள்ளி கல்வி முதன்மை செயலர், பிரதீப் யாதவ் உத்தரவிட்டுள்ளார்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி