கொரோனா ஆய்வகங்களை அறிய கூகுளின் புதிய டூல் அறிமுகம் - Kalviseithi - No:1 Educational website in Tamilnadu

Jun 13, 2020

கொரோனா ஆய்வகங்களை அறிய கூகுளின் புதிய டூல் அறிமுகம்


கூகுள் தேடுபொறியில், பயனாளர்கள் தங்கள் அருகில் இருக்கும் கரோனா ஆய்வகங்களை அறிய உதவும் வகையில் புதிய டூல் அறிமுகம் செய்யப்பட்டுள்ளது.இந்திய மருத்துவ ஆராய்ச்சிக் கழகத்துடன் (ஐசிஎம்ஆர்) ஒருங்கிணைந்து, அரசு அறிவித்த கரோனா ஆய்வகங்களின் பட்டியலை பயனாளர்களுக்கு தெரிவிக்கும் வகையில் இந்த புதிய டூல் அமைந்துள்ளது.

இந்த புதிய வரவு தற்போது ஆங்கிலம் மற்றும் தமிழ், ஹிந்தி, தெலுங்கு, மலையாளம், கன்னடம், பெங்காலி, குஜராத்தி, மராத்தி மொழிகளில் அறிமுகப்படுத்தப்பட்டுள்ளது.இந்தப் புதிய டூலின்படி, பயனாளர்கள் ‘Testing’ என்ற வார்த்தையைப் பயன்படுத்தி தேடும் போது, பயனாளர்களின் பகுதிக்கு அருகே இருக்கும் பரிசோதனை ஆய்வகங்களின் பட்டியலும், அதன் சேவையை பெறுவதற்கான வழிகாட்டுதல்களும் தேடுபொறி முடிவுகளில் வெளியாகும்.அதேப்போல கூகுள் வரைபடத்தில், பயனாளர் ‘covid testing’ அல்லது ‘coronavirus testing’ என்று தேடும்போது, பயனாளர் இருக்கும் இடத்துக்கு அருகே இருக்கும் ஆய்வகங்களின் விவரம் மற்றும் மத்திய அரசின் வழிகாட்டு நெறிமுறைகளும் வெளியாகும்.

தற்போது சுமார் 300 நகரங்களில் இருக்கும் 700 பரிசோதனை ஆய்வகங்களின் பட்டியல் இந்த புதிய டூலில் இணைக்கப்பட்டிருப்பதாகவும், மேலும் பல ஆய்வகங்களை இந்தப் பட்டியலில் இணைப்பது குறித்து அதிகாரிகளுடன் பேச்சுவார்த்தை நடைபெற்று வருவதாகவும் கூறப்பட்டுள்ளது.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி