மாணவர்கள் எண்ணிக்கையின் அடிப்படையில் ஆசிரியர்கள் நிர்ணயம் செய்ய EMIS இணையத்தில் பதிவு செய்ய வேண்டிய விவரங்கள் - DEE Instructions - kalviseithi

Aug 17, 2021

மாணவர்கள் எண்ணிக்கையின் அடிப்படையில் ஆசிரியர்கள் நிர்ணயம் செய்ய EMIS இணையத்தில் பதிவு செய்ய வேண்டிய விவரங்கள் - DEE Instructions

01.08.2021 நிலவரப்படி தொடக்க மற்றும் நடுநிலைப்பள்ளிகளில் மாணவர்கள் எண்ணிக்கையின் அடிப்படையில் ஆசிரியர்கள் நிர்ணயம் செய்தல் சார்ந்து தொடக்கக்கல்வி இயக்குநரின் செயல்முறைகள்.



ஒவ்வொரு கல்வி ஆண்டின் தொடக்கத்தில் 01.08.2021 நிலவரப்படி ஊராட்சி / நகராட்சி மாநகராட்சி அரசு தொடக்கப்பள்ளி மற்றும் நடுநிலைப்பள்ளிகளில் எல்.கே.ஜி முதல் 8 வகுப்புகள் வரை உள்ள மாணவர்களின் எண்ணிக்கையின் அடிப்படையில் அனைத்துவகை ஆசிரியர்கள் மாணவர்கள் பணியிடங்கள் நிர்ணயம் செய்வது நடைமுறையில் உள்ளது. இதனடிப்படையில் இக்கல்வியாண்டிற்கான ( 2021-22 ) ஊராட்சி நகராட்சி / மாநகராட்சி அரசு தொடக்கப்பள்ளி மற்றும் நடுநிலைப்பள்ளிகளில் 01.08.2021 அன்றைய நிலவரப்படி மாணவர்களின் எண்ணிக்கையின் அடிப்படையில் அனைத்துவகை ஆசிரியர்கள் மாணவர்கள் பணியிட நிர்ணயம் சார்பான பணிகள் கல்வி மேலாண்மைத் தகவல் முறைமை ( EMIS ) மூலமாக மேற்கொள்ளப்படவிருக்கிறது. எனவே , இப்பணிகளை மேற்கொள்ள ஏதுவாக அனைத்து மாவட்ட முதன்மைக் கல்வி அலுவலர்கள் ( EMIS ) இணையதளத்தில் மேற்படி பள்ளிகள் சார்ந்த கீழ்க்குறிப்பிட்ட விவரங்களைப் பதிவேற்றம் செய்திட அறிவுறுத்தப்படுகிறார்கள்.


* தொடக்க கல்வி இயக்ககத்தின் கட்டுப்பாட்டின் கீழ் இயங்கும் அனைத்து ஊராட்சி / நகராட்சி மாநகராட்சி அரசு தொடக்கப்பள்ளி மற்றும் நடுநிலைப்பள்ளிகளில் 01.08.2021 அன்றைய நிலவரப்படி மாணவர்களின் எண்ணிக்கையினை வகுப்பு வாரியாகவும் ( Class wise ) மற்றும் தமிழ் வழி ஆங்கில வழியில் பயிலும் மாணவர்களின் விவரங்கள் ஆகியவற்றினை பதிவேற்றம் செய்தல் வேண்டும்.


* இரு மொழி , மும்மொழி என சிறுபான்மை மொழிப் பள்ளிகளுக்கு தனியாக விவரங்கள் பூர்த்தி செய்ய வேண்டும்.


* 2381 அங்கன்வாடி மையங்களுக்கு LKG , UKG விகுப்புகளுக்கு அனுமதிக்கப்பட்ட ஆசிரியர்களையும் / பணியிடங்களையும் பூர்த்தி செய்ய வேண்டும்.


* ஒவ்வொரு ஊராட்சி நகராட்சி / மாநகராட்சி அரசு தொடக்கப்பள்ளி மற்றும் நடுநிலைப்பள்ளிகளில் அரசால் அனுமதிக்கப்பட்ட ( Sanctioned Post details ) | அனைத்துவகை ஆசிரியர்கள் பணியிடங்களின் விவரங்களை பள்ளியின் அளவைப் பதிவேட்டின்படி ( Scale Register ) ஒப்பிட்டு சரிபார்த்து பதிவேற்றம் செய்திடல் வேண்டும். 


* அவ்வாறு பதிவேற்றம் செய்யப்படும்போது இப்பணியிடங்கள் கடந்த ஆண்டுகளில் ஆசிரியரின்றி உபரி எனக் கண்டறியப்பட்டு ( Surplus post without person ) இயக்குநரின் பொதுத் தொகுப்பிற்கு சரண் செய்யப்பட்டிருந்தால் அப்பணியிடங்களை எக்காரணம் கொண்டும் மீளவும் அனுமதிக்கப்பட்ட பணியிடங்களாகக் கருதி பதிவேற்றம் செய்தல் கூடாது என்பதை கவனத்தில் கொள்ள வேண்டும்.


* ஊராட்சி / நகராட்சி / மாநகராட்சி அரசு தொடக்கப்பள்ளி மற்றும் நடுநிலைப்பள்ளிகளில் பணிபுரிந்து வரும் அனைத்துவகை ஆசிரியர்கள் சார்பான முழு விவரங்களையும் ( Teacher Profile ) எவருடைய பெயரும் விடுபடாமல் ( EMIS ) இணையதளத்தில் உரிய கலங்களில் பதிவேற்றம் செய்திடல் வேண்டும்.

1 comment:

  1. இப்டியே உருட்டுங்க... வேலங்கிடும்..

    ReplyDelete

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி