TNPSC தேர்வுக்கான மதிப்பெண், தரவரிசை பட்டியல் இணையத்தில் வெளியீடு - Kalviseithi - No:1 Educational website in Tamilnadu

Feb 18, 2023

TNPSC தேர்வுக்கான மதிப்பெண், தரவரிசை பட்டியல் இணையத்தில் வெளியீடு

நில அளவர், வரைவாளர், மருத்துவ தொழில் ஆலோசகர், குடிசை பகுதி மாற்று வாரிய சமூக மேம்பாட்டு சமூக அலுவலர் பதவிக்கு நடத்தப்பட்ட தேர்வுக்கான மதிப்பெண், தரவரிசை பட்டியலை டிஎன்பிஎஸ்சி வெளியிட்டுள்ளது. தமிழ்நாடு அரசு பணியாளர் தேர்வாணையம் (டிஎன்பிஎஸ்சி) நில அளவை பதிவேடுகள் சார்நிலை பணியில் அடங்கிய நில அளவர், வரைவாளர் மற்றும் தமிழ்நாடு நகர் ஊரமைப்பு சார்நிலை பணியில் அடங்கிய அளவர், உதவி வரைவாளர் பதவியில் காலியாக உள்ள 1,338 பணியிடங்களுக்கு கடந்த 6.11.2022 அன்று எழுத்து தேர்வு நடந்தது. இத்தேர்வில் 29,882 பேர் கலந்துகொண்டனர்.

இதில் பங்கேற்று விண்ணப்பதாரர்கள் பெற்ற மதிப்பெண்கள், இடஒதுக்கீடு விதி மற்றும் அப்பதவிக்கான அறிவிக்கையில் வெளியிடப்பட்ட பிற விதிகளின் அடிப்படையில் மதிப்பெண்கள் மற்றும் தரவரிசை தேர்வாணைய வலைதளம் www.tnpsc.gov.inல் வெளியிடப்பட்டுள்ளது. மொத்தம் 27,827 பேர் மதிப்பெண்கள் மற்றும் தரவரிசை பட்டியல் வெளியிடப்பட்டுள்ளது. இதேபோல, தமிழ்நாடு மருத்துவ சார்நிலை பணிகளில் அடங்கிய தொழில் ஆலோசகர் (மருத்துவ கல்வித்துறை) மற்றும் தமிழ்நாடு குடிசை மாற்று வாரிய சமூக மேம்பாட்டு பணியில் அடங்கிய சமூக அலுவலர் (தமிழ்நாடு நகர்ப்புற வாழ்விட மேம்பாட்டு வாரியம்) பதவியில் காலியாக உள்ள 16 இடங்களுக்கு கடந்த 12.11.22 அன்று எழுத்து தேர்வு நடந்தது. இத்தேர்வில் 350 பேர் பங்கேற்றனர். இதில் 310 பேரின் மதிப்பெண்கள் மற்றும் தரவரிசை பட்டியல் வெளியிடப்பட்டுள்ளது. இத்தகவலை டிஎன்பிஎஸ்சி ெதரிவித்துள்ளது.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி