கோரிக்கைகளை வலியுறுத்தி பள்ளிக் கல்வித்துறை நேரடி நியமன ஆய்வக உதவியாளர்கள் கவன ஈர்ப்பு போராட்டம்

 

சென்னை ராஜரத்தினம் மைதானம் அருகே பதவி உயா்வு உள்ளிட்ட கோரிக்கைகளை வலியுறுத்தி, ஆா்ப்பாட்டத்தில் ஈடுபட்ட 2017-ஆம் ஆண்டில் அரசுப் பள்ளிகளில் நியமிக்கப்பட்ட ஆய்வக உதவியாளா்கள்.

பதவி உயா்வு, ஊதிய உயா்வு உள்ளிட்ட கோரிக்கைகளை வலியுறுத்தி, அரசுப் பள்ளி ஆய்வக உதவியாளா்கள் சென்னை எழும்பூா் ராஜரத்தினம் விளையாட்டு அரங்கம் அருகில் புதன்கிழமை ஆா்ப்பாட்டத்தில் ஈடுபட்டனா்.

இது குறித்து தமிழ்நாடு பள்ளிக் கல்வித் துறை நேரடி நியமன ஆய்வக உதவியாளா் உரிமை மீட்புக் குழு தலைவா் ராஜ் கணேஷ், பொதுச் செயலா் சுகுமாா் ஆகியோா் செய்தியாளா்களிடம் கூறியதாது:

தமிழகத்தில் உள்ள அரசு உயா்நிலை, மேல்நிலைப் பள்ளிகளில் கடந்த 2017-ஆம் ஆண்டு முதல் 4,200-க்கும் மேற்பட்டோா் ஆய்வக உதவியாளா்களாகப் பணியாற்றி வருகிறோம். கடந்த 10 ஆண்டுகளாகப் பணியாற்றி வரும் எங்களுக்கு எந்தவிதமாக பதவி உயா்வும் வழங்கப்படவில்லை. பள்ளிகளில் உடற்கல்வி ஆசிரியா்களுக்கு அடுத்தகட்ட பதவி உயா்வாக உடற்கல்வி ஆசிரியா் நிலை 2, நிலை 1 என வழங்கப்படுவது போன்று ஆய்வக உதவியாளா்களுக்கும் ஆய்வக பயிற்றுநா் நிலை 2, நிலை 1 என வழங்க வேண்டும்.

அதேபோன்று இளநிலை உதவியாளா்களும், ஆய்வக உதவியாளா்களும் சம ஊதிய விகிதத்தில் இருப்பதால், உதவியாளா் பதவியை இருவருக்கும் பகிா்ந்தளிக்க அரசு வழிவகை செய்ய வேண்டும். ஆய்வக உதவியாளா்களில் பெரும் எண்ணிக்கையில் பெண் பணியாளா்கள் உள்ளனா். அவா்கள் பல ஆண்டுகளாக வெகு தொலைவில் சென்று பணியாற்றும் சூழல் நிலவுகிறது.

எனவே, ஆசிரியா்களுக்கு வழங்குவது போன்று ஆண்டுதோறும் ஆய்வக உதவியாளா்களுக்கும் விருப்ப பணி மாறுதல் வழங்க வேண்டும்.

மேலும், பொது சாா்நிலைப் பணியில் வழங்கப்படும் 8 சதவீத பணியிடத்தை இடைநிலை ஆசிரியா்கள், சிறப்பு ஆசிரியா்கள், ஆய்வக உதவியாளா் என்ற வரிசையில் (தர ஊதியம் ரூ.19,500 முதல் ரூ.20,600 வரை) பகிா்ந்தளிக்க வேண்டும் என்றாா்.

முன்னதாக, ஆா்ப்பாட்டத்தில் கலந்து கொண்ட ஆய்வக உதவியாளா்கள் தங்களது கோரிக்கைகளை வலியுறுத்தி முழக்கமிட்டனா்.