பள்ளி மாணவர்களுக்கு ஆசிரியர்கள் தண்டனை வழங்கக்கூடாது. தண்டனை வழங்க, பள்ளிகள் ஒன்றும் சிறைகள் கிடையாது,'' என, பள்ளி கல்வித்துறை அமைச்சர் ராஜ்மோகன் தெரிவித்தார்.
அவர் அளித்த பேட்டி:
கிருஷ்ணகிரியில், தகைசால் பள்ளியில் பெற்றோர் ஆசிரியர் கழகம் சார்பில், மாணவர்களிடம் தலா, 350 ரூபாய் வசூலிக்கப்பட்டது. பணம் வழங்காத மாணவர்களை வெளியே நிறுத்தியதாக புகார்கள் எழுந்தன.நிகழ்ச்சிகளுக்காக யாரிடமும் கட்டாயப்படுத்தி பணம் பெறக்கூடாது. பணம் வழங்கவில்லை என்பதற்காக, மாணவர்களை தண்டிக்கக்கூடாது. தண்டனை என்பதே இந்த துறையில் இருக்கக்கூடாது.தண்டனை வழங்குவதற்கு இது ஒன்றும் புழல் சிறைச்சாலை கிடையாது. இது, பள்ளிகளை நிர்வகிக்கும் துறை. இந்த விவகாரம் தொடர்பாக, விரிவான விசாரணை நடத்த உத்தரவிடப்பட்டு உள்ளது.
தனியார் பள்ளிகள், பொதுத் தேர்வில் 100 சதவீதம் தேர்ச்சி பெற வேண்டும் என்பதற்காக, நன்றாக படிக்காத மாணவர்களை தனித் தேர்வர்களாக பிரிக்கக்கூடாது. மேலும், ஞாயிறு மற்றும் அரசு விடுமுறை நாட்களில் சிறப்பு வகுப்புகள் நடத்தக்கூடாது. இது தொடர்பாக புகார்கள் வந்தால், கடும் நடவடிக்கை எடுக்கப்படும்.தமிழக அரசு இருமொழி கொள்கையில் உறுதியாக உள்ளது. புதிதாக சி.பி.எஸ்.இ., பள்ளிகள் தொடங்கும்போது, உரிய ஆவணங்கள் இருந்தால் மட்டுமே அனுமதி வழங்கப்படுகிறது. பள்ளிகளின் பள்ளி மேலாண்மை குழுவில், அரசியல் கட்சியினருக்கு அனுமதி கிடையாது; பெற்றோர் மட்டுமே இடம்பெற வேண்டும். இவ்வாறு அவர் கூறினார்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி