தமிழகம் முழுவதும் நடைபெற்ற குரூப்-2, 2ஏ தேர்வில் 3.97 லட்சம் பேர் கலந்து கொண்டனர். வினாத்தாள் சற்று கடினமாக இருந்ததாக தேர்வர்கள் தகவல் தெரிவித்தனர். 2 மாதத்தில் முடிவுகள் வெளியிடப்படும் என்று டிஎன்பிஎஸ்சி தலைவர் பிரபாகர் தெரிவித்தார்.
சார் பதிவாளர், உதவி ஆய்வாளர் உட்பட பல்வேறு பதவிகளில் காலியாக உள்ள 846 பணியிடங்களை நிரப்புவதற்கான டிஎன்பிஎஸ்சி குரூப்-2, 2ஏ முதல்நிலைத் தேர்வு மாநிலம் முழுவதும் 1,647 மையங்களில் நேற்று நடைபெற்றது. தேர்வு எழுத மொத்தம் 4.90 லட்சம் பேர் பதிவு செய்தனர். அதில் 3.97 லட்சம் பேர் (81.1%) கலந்துகொண்டனர். 92,595 பேர் பங்கேற்வில்லை. சென்னையில் 173 மைங்களில் சுமார் 50 ஆயிரம் பேர் வரை தேர்வு எழுதினர்.
அரசுத் தேர்வுகளில் ஆள்மாறாட்டத்தை தடுக்க விடைத்தாள்களில் தேர்வர்களிடம் கைரேகை பெறும் நடைமுறை அமலில் உள்ளது. நேற்று நடந்த குரூப்-2, 2ஏ தேர்வின்போது சென்னையில் உள்ள ஒரு மையத்தில் கண்காணிப்பு அதிகாரிகள் கைரேகைக்கு பதில் தேர்வர்களிடம் கையெழுத்து பெற்றதாக புகார்கள் எழுந்தன. இதனால் அந்த மையத்தில் தேர்வு எழுதியவர்கள் தங்களது விடைத்தாள்கள் திருத்தப்படுமா என்ற அச்சத்தில் உள்ளனர். இதுகுறித்து விசாரணை நடத்தி, நடவடிக்கை எடுக்க வேண்டும் என தேர்வர்கள் வலியுறுத்தினர்.
வினாத்தாள் கடினம்: வினாத்தாள் சற்று கடினமாக இருந்ததாக தேர்வர்கள் தெரிவித்தனர். இதுகுறித்து கேட்டபோது, “தமிழ் வினாக்கள் மிகவும் கடினமாக இருந்தது. கணிதத்தில் கேட்கப்பட்ட கேள்விகள் நன்கு சிந்தித்து பதிலளிக்கும்படி இருந்தன. பொது அறிவுப் பகுதியிலும் சில கேள்விகள் மிகவும் ஆழமாக யோசித்து விடை அளிக்கும் வகையில் இருந்ததால் தேர்வுக்கு கூடுதல் நேரம் தேவைப்பட்டது. சில தேர்வறைகளில் வினாத்தாள் சற்று தாமதமாக வழங்கப்பட்டுள்ளன. வினாத்தாளை சரியாக 9.15 மணிக்கு கொடுக்க டிஎன்பிஎஸ்சி நடவடிக்கை எடுக்க வேண்டும்” என்றனர்.
முன்னதாக, சென்னை சேத்துப்பட்டில் உள்ள மையத்தில் தேர்வின்போது டிஎன்பிஎஸ்சி தலைவர் பிரபாகர் ஆய்வு மேற்கொண்டார். பின்னர், செய்தியாளர்களிடம் பேசிய அவர், “குரூப்-2, 2ஏ முதல்நிலைத் தேர்வு விடைத்தாள்கள் திருத்தப்பட்டு 2 மாதத்தில் முடிவுகள் வெளியிடப்படும்” என்றார்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி