தமிழ்நாட்டில் 15 லட்சம் குடும்பங்களில் ஒருவர் கூட படிக்கவில்லை: கணக்கெடுப்பில் தகவல் - Kalviseithi - No:1 Educational website in Tamilnadu

Nov 24, 2014

தமிழ்நாட்டில் 15 லட்சம் குடும்பங்களில் ஒருவர் கூட படிக்கவில்லை: கணக்கெடுப்பில் தகவல்


‘‘தமிழ்நாட்டில் 15 லட்சம் குடும்பங்களில் ஒருவர் கூட படிக்கவில்லை’’ என மக்கள் தொகை கணக்கெடுப்பில் தெரிய வந்துள்ளது. கடந்த 2011–ம் ஆண்டில் எடுக்கப்பட்ட மக்கள் தொகை கணக்கெடுப்பில் படிப்பு அறிவு பெற்றவர்கள் குறித்த விவரம் வெளியிடப்பட்டது.

அதில் இந்திய அளவில் எழுத படிக்க தெரிந்தவர்களின் அளவு கடந்த 10 ஆண்டுகளில் 10 சதவீதம் அதிகரித்துள்ளது.கடந்த 2001–ம் ஆண்டில் படிப்பு அறிவு பெற்றோரின் எண்ணிக்கை 64.84 சதவீதம் ஆக இருந்தது. தற்போது அது 74 சதவீதமாக அதிகரித்துள்ளது. அதில் நகர்புறங்களில் 84 சதவீதமாகவும், கிராம பகுதிகளில் 68 சதவீதமாகவும் உள்ளது.அதே நேரத்தில் 24 கோடியே 88 லட்சம் கூட்டு குடும்பங்களில் குறைந்தது தலா 4 பேர் மட்டுமே (7 வயதுக்கு மேற்பட்டோர்) படித்துள்ளனர். ஆனால், 2 கோடியே 42 லட்சம் குடும்பங்களில் தலா ஒருவர்மட்டுமே படித்துள்ளார்.தமிழ்நாட்டை பொறுத்தவரை 15.1 லட்சம் குடும்பங்களில் ஒருவர் கூட படிக்கவில்லை.

இந்த குடும்பங்களில் 1 கோடியே 84 லட்சம் பேர் வாழ்கின்றனர். அவர்களில் கிராம புறங்களில் 11 லட்சத்து 3 ஆயிரம் பேருக்கு எழுத படிக்க தெரியாது.அதே நேரத்தில் நகர பகுதிகளில் 4 லட்சத்து 9 ஆயிரம் பேருக்கு படிப்பு அறிவு இல்லை. சென்னையில் தான் படிப்பு அறிவு இல்லாதவர் எண்ணிக்கை மிகவும் குறைவாக அதாவது 2.7 சதவீதமாக உள்ளது.அதன் அண்டை மாவட்டங்களான காஞ்சீபுரம், திருவள்ளூரில் படிப்பு அறிவு இல்லாதவர்களின் எண்ணிக்கை 5.3 மற்றும் 5.33 சதவீதமாக உள்ளது.கன்னியாகுமரி மாவட்டத்தில் படிப்பு அறிவு உள்ளவர்களின் விகிதம் 91.75 சதவீதமாக அதிக அளவில் உள்ளது. இங்கு 14,831 பேர் மட்டுமே படிக்காதவர்களாக உள்ளனர்.ஈரோடு மாவட்டத்தில் தான் அதிக அளவில் 14.97 சதவீதம் குடும்பங்களில்படிப்பு அறிவு இல்லை. அதை தொடர்ந்த நாமக்கல் (13.73 சதவீதம்), சேலம் (12.64 சதவீதம்) மாவட்டங்களில் படிப்பறிவு அற்றோர் அதிகம் உள்ளனர்.படிப்பறிவு இல்லாதோர் அதிகம் உள்ளோர் மாநிலமாக பீகார் திகழ்கிறது. இங்கு33 லட்சத்து 59 ஆயிரம் குடும்பங்களில் ஒருவர் கூட படிக்கவில்லை. அதே நேரத்தில் கல்வி அறிவு பெற்றோரின் முதல் மாநிலமாக கேரளா திகழ்கிறது.இங்கு 1 லட்சத்து 21 ஆயிரம் பேர் (1.5 சதவீதம்) மட்டுமே படிப்பறிவு அற்றவர்கள்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி