அச்சு துறையில் ஆட்கள் தேர்வு விண்ணப்பிக்க காலக்கெடு நீட்டிப்பு

எழுது பொருள் மற்றும் அச்சுத் துறையில், காலியாக உள்ள, 147 பணியிடங்களுக்கு, விண்ணப்பிப்பதற்கான காலக்கெடு நீட்டிக்கப்பட்டுள்ளது.

எழுது பொருள் மற்றும் அச்சுத்துறையில், சென்னை, மதுரை, திருச்சி, புதுக்கோட்டை, சேலம், விருத்தாசலம் பகுதியில் உள்ள, அரசு அச்சகங்களில், காலியிடங்கள் நிரப்பப்பட உள்ளன. ஜூனியர் மெக்கானிக், ஜூனியர் புத்தகம் வடிவமைப்பாளர், எலக்ட்ரீஷியன், ஆப்செட் இயந்திரம் பராமரிப்பாளர், டி.டி.பி., ஆப்ரேட்டர், டெலிபோன் ஆப்ரேட்டர் உட்பட, 147பணியிடங்கள் நிரப்பப்பட உள்ளன. தகுதி உள்ளவர்கள், வரும், 17ம் தேதிக்குள், 'இயக்குனர், எழுது பொருள் மற்றும் அச்சுத்துறை, 110, அண்ணா சாலை, சென்னை - 2' என்ற முகவரிக்கு விண்ணப்பிக்க வேண்டும் என அறிவிக்கப்பட்டு இருந்தது. தற்போது விண்ணப்பிப்பதற்கான காலக்கெடு, வரும், 24ம் தேதி வரை நீட்டிக்கப்பட்டுள்ளது. மேலும் விவரங்களுக்கு, அரசு இணைய தளமான, www.tngov.in பார்வையிடலாம்.