எம்பிபிஎஸ், பிடிஎஸ் தரவரிசைப் பட்டியல் வெளியீடு: கிருஷ்ணகிரி மாணவர் முதலிடம்

எம்பிபிஎஸ், பிடிஎஸ் படிப்புக்கு விண்ணப்பித்தோருக்கு தரவரிசைப் பட்டியல் வெளியிடப்பட்டது.மருத்துவப் படிப்புக்கு வரும் 19-ம் தேதி முதல் 25-ம் தேதி வரை கலந்தாய்வு நடைபெற உள்ளது. எம்பிபிஎஸ், பிடிஎஸ் மருத்துவப் படிப்புகளுக்கு31,332 பேர் விண்ணப்பித்துள்ளனர்.
20 அரசு மருத்துவக் கல்லூரிகளில் 2,257 இடங்கள் உள்ளன. 200க்கு200 கட் ஆஃப் மதிப்பெண்கள் பெற்று 17 பேர் முதலிடம் பிடித்துள்ளனர்.

கிருஷ்ணகிரியைச் சார்ந்த நிஷாந்த் ராஜன் தரவரிசைப் பட்டியலில் முதலிடம் பிடித்துள்ளார்.திருச்சி, சமயபுரத்தைச் சார்ந்த முகேஷ் கண்ணன் இரண்டாம் இடம் பிடித்துள்ளார். திருச்செங்கோட்டைச் சார்ந்த பிரவீன் மூன்றாம் இடம் பிடித்துள்ளார்.நிவாஜ் நான்காம் இடம் பிடித்துள்ளார். சரவணகுமார் ஐந்தாம் இடம் பிடித்துள்ளார். கவுதம ராஜ் ஆறாம் இடத்தையும், மோது ஸ்ரீ ஏழாம் இடத்தையும்பிடித்துள்ளனர்.
திராவிடன் எட்டாம் இடத்தையும், பிரவீன்குமார் ஒன்பதாவது இடத்தையும், முகமது 10-ம் இடம் பிடித்துள்ளனர்.