பள்ளி ஆக்கிரமிப்புக் கட்டடத்தை இடிக்கக் கோரிய வழக்கு: பள்ளிக் கல்வித்துறை பதிலளிக்க உத்தரவு - Kalviseithi - No:1 Educational website in Tamilnadu

Oct 4, 2020

பள்ளி ஆக்கிரமிப்புக் கட்டடத்தை இடிக்கக் கோரிய வழக்கு: பள்ளிக் கல்வித்துறை பதிலளிக்க உத்தரவு

 


சென்னையில் உள்ள அரசு உதவி பெறும் பள்ளி நிலத்தை ஆக்கிரமித்துக் கட்டப்பட்ட கட்டடத்தை இடிக்கக் கோரிய வழக்கில் பள்ளிக் கல்வித்துறை பதிலளிக்க உயா் நீதிமன்றம் உத்தரவிட்டுள்ளது.


சென்னை வில்லிவாக்கம் சிங்காரம்பிள்ளை கல்வி அறக்கட்டளைக்காக கடந்த 1959-இல் ஏரி புறம்போக்கு நிலம் ஒதுக்கப்பட்டு கட்டப்பட்ட பள்ளியில் ஆயிரக்கணக்கானவா்கள் பயில்கின்றனா். அறக்கட்டளை நிா்வாகி பள்ளி நிலத்தை அரசிடம் எந்த அனுமதியும் பெறாமல் தனி நபா் சிலருக்கு சட்டவிரோதமாக விற்பனை செய்துள்ளாா்.


இதனால் பள்ளிக்குத் தேவையான புதிய கட்டடம் மற்றும் வகுப்பறைகளை கட்ட முடியாத நிலை உருவாகியுள்ளது. பள்ளி நிலத்தை விற்பனை செய்ததால் தனிநபா்கள் சிலா் அந்த நிலத்தில் பெரிய கட்டடங்கள் கட்டி வருகின்றனா். இதுதொடா்பாக முதல்வரின் தனிப்பிரிவில் புகாா் அளித்தும் இதுவரை எந்த நடவடிக்கையும் எடுக்கவில்லை. எனவே சட்டவிரோதமாக கட்டப்பட்ட அந்த கட்டடங்களை இடித்து பள்ளி நிலத்தை மீட்டு தர உத்தரவிட வேண்டும் முன்னாள் மாணவா் சிவசுப்பிரமணி உயா்நீதிமன்றத்தில் மனு தாக்கல் செய்திருந்தாா்.


இந்த வழக்கு நீதிபதிகள் எம்.எம்.சுந்தரேஷ், அப்துல் குத்தூஸ் ஆகியோா் அடங்கிய அமா்வு முன் விசாரணைக்கு வந்தது. வழக்கை விசாரித்த நீதிபதிகள் மனு தொடா்பாக பள்ளிக் கல்வித்துறை மற்றும் சென்னை பெருநகர வளா்ச்சிக் குழுமம் பதிலளிக்க உத்தரவிட்டு விசாரணையை ஒத்திவைத்தனா்.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி