காதலிக்கு............................காதலர்கள் எழுதும் கடிதம்.

 காதலித்தேன்! மன்னிக்கவும் காதலித்தோம்! அவளை எப்படியாவது கைப்பிடித்திட வேண்டுமென்று! -ஆனால்
அவளோ கண்ணாமூச்சி ஆட்டம் காட்டுகிறாள்!

ஜனவரியில் ஜாதகம்(CV) பார்த்தாகி விட்டது
பிப்ரவரியில் பெயர் பொருத்தமும்(FINAL LIST) சரியாகும்
என்றிருந்த வேளையில்- எனக்குப் பிடித்தது பித்தம்
உனக்கு எதுக்கு முத்தம்?  என்று பின்னோக்கி  ஓடிவிட்டாய்!

ஓடாதே!

வா! முன்னோக்கி வா! முத்தமிடு! கட்டியணை! காதல் செய்!

          

                                                        (இது கல்விக் காதல்)

உனக்குக் காதல் அதிகமோ? ஆம்! முதல் 30,000 போதாதென்று பின்னொரு 40,000 சேர்த்துக் கொண்டாயே!

தசரதனுக்குக் கூட 60,000 மனைவிகள்தான்! ஆனால் உலகத்திலேயே உன் ஒருத்திக்கு   மட்டும்தான் 73,000 காதலர்கள்!

சிறு காத்திருப்பு சுகம்தான்! ஆனால் பெருங்காத்திருப்பு பெரும்பாவமடி!

 வெட்கமா? அச்சமா? உன்னைக் காதலித்தவர்கள்தான்! உன் திருமேனியின் சிறுபுறம் காட்டு.நாங்கள் சிலிர்த்துப் போவோம்!

வா! முன்னோக்கி வா! முத்தமிடு! கட்டியணை! காதல் செய்!

2012 இல் இரண்டே வாரங்களில் கூடிக் கலந்த நீ-
2013 க்கு ஏன் ஈராறு(2×6)மாதங்கள்?

 என் மீது கோபமா? இல்லை இந்த 73,000 பேரின் மீதும் கோபமா? வா! உன்னைக் காணத்துடிக்கிறோம்! கண் விழித்துக் கிடக்கிறோம்!

பெண்ணே! என்னை மணந்து விடு!-இல்லையென்றால்
மாண்டு விடுவேனடி கண்ணே!

 வா! முன்னோக்கி வா! முத்தமிடு! கட்டியணை! காதல் செய்!

மீனாக்ஷியே! நீயும் பெண்தானே! உனக்கும் காதல் தெரியும்தானே!
காதலின் வேதனை புரியும்தானே!

சொல்!  அவளிடம் சொல்! தயவு செய்து சொல்!
என்னைத் தழுவச் சொல்!

மதுரை மீனாக்ஷியை  தரிசிக்கச் சென்ற போது
அவளை நினைத்து இவளிடம் வேண்டியது.

இதை ஒலி(audio) வடிவில் கேட்க அல்லது பதிவிறக்கம் செய்ய  இங்கே சொடுக்கவும்.

அன்புடன்
மணியரசன்(armaniyarasan@gmail.com)