பத்தாம் வகுப்பு சமூக அறிவியல் பாடம் தொகுதி - 2ல் சர்ச்சைக்குரிய பாடப்பகுதியினை மேலே தாளிட்டு மறைத்து ஒட்ட தலைமையாசிரியர்களுக்கு பள்ளிக்கல்வி இயக்குநர் உத்தரவு. - kalviseithi

Jan 20, 2020

பத்தாம் வகுப்பு சமூக அறிவியல் பாடம் தொகுதி - 2ல் சர்ச்சைக்குரிய பாடப்பகுதியினை மேலே தாளிட்டு மறைத்து ஒட்ட தலைமையாசிரியர்களுக்கு பள்ளிக்கல்வி இயக்குநர் உத்தரவு.


திரு . பி . சந்திரசேகரன் என்பாரால் பத்தாம் வகுப்பு சமூக அறிவியல் பாடம் தொகுதி 2 பக்கம் . 50 - ல் “ அதே போன்று இந்து மகா சபா மற்றும் ராஷ்டிரிய சுவயம் சேவக் சங் ( RSS ) ஆகியன முஸ்லீம்களுக்கு எதிரான நிலைப்பாட்டினை எடுத்தன ” என்றும் இது போன்று ஆங்கிலத்திலும் இடம் பெற்றுள்ளது என தெரிவித்து சென்னை உயர்நீதி மன்றத்தில் W . P . No . 639 / 2020ல் வழக்கு தொடரப்பட்டுள்ளது .

இவ்வழக்கு  ( 10 . 01 . 2020 ) சென்னை உயர்நீதிமன்றத்தில் கேட்புக்கு வந்ததது என பணிவுடன் தெரிவிப்பதோடு , மேற்குறிப்பிட்ட வாசகம் சார்ந்த பாடக்குறிப்பு அடுத்ததாகப் பாடப்புத்தகம் அச்சிடும்போது இது நீக்கம் செய்யப்படும் என அரசு வழக்கறிஞரால் தெரிவிக்கப்பட்டது . இதனை ஏற்றுக்கொண்டும் தற்போது வெளியிடப்பட்டு நடைமுறையில் உள்ள தமிழ் மற்றும் ஆங்கில வழி சமூக அறிவியல் பாடப்புத்தகத்தில் உள்ள இப்பகுதிக்கு மேலே தாளிட்டு மறைத்து ஒட்டப்பட வேண்டும் எனவும் , நடவடிக்கை எடுக்கப்பட்ட விவரத்தை உறுதி ஆவணமாக தமிழ்நாடு பாடநூல் மற்றும் கல்வியியல் பணிகள் கழகம் மற்றும் மாநிலக் கல்வியியல் ஆராய்ச்சி மற்றும் பயிற்சி நிறுவனம் சார்பாக 22.01.2020 அன்று மாண்பை நீதிமன்றத்தில் தாக்கல் செய்ய வேண்டும் என தெரிவிக்கப்பட்டது .

மேலே தெரிவிக்கப்பட்ட தமிழ் மற்றும் ஆங்கில வழி பத்தாம் வகுப்பு சமூக அறிவியல் பாடம் தொகுதி 2 சார்ந்த பகுதி குறிப்பிடப்பட்டு இத்துடன் இணைத்து அனுப்பப்படுகிறது . எனவே , பத்தாம் வகுப்பு சமூக அறிவியல் பாடம் தொகுதி - 2 ஆங்கிலம் மற்றும் தமிழ் வழி சமூக அறிவியல் பாடப்புத்தகங்களில் மேற்குறிப்பிட்ட வாசகம் சார்ந்த பாடக்குறிப்பியின் தற்போது நடைமுறையில் உள்ள தமிழ் மற்றும் ஆங்கில வழி பாடப்புத்தகத்தில் உள்ள இப்பகுதிக்கு மேலே தாளிட்டு மறைத்து ஒட்டப்பட வேண்டும் எனவும் , முதன்மைக் கல்வி அலுவலர் மற்றும் மாவட்ட கல்வி அலுவலர் மூலம் அனைத்து உயர்நிலை / மேல்நிலைப் பள்ளி தலைமை ஆசிரியர்களுக்கும் மற்றும் மெட்ரிக் மற்றும் மெட்ரிக் மேல்நிலைப்பள்ளி தலைமை ஆசிரியர்களுக்கும் தகுந்த அறிவுரைகள் வழங்க கனிவுடன் கேட்டுக்கொள்ளப்படுகிறது .


No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி