தேர்தல் வாக்குறுதிகள் அனைத்தும் நிச்சயமாக, உறுதியாக, படிப்படியாக நிறைவேற்றப்படும் என சட்டமன்றத்தில் முதலமைச்சர் அறிவிப்பு!

 

தேர்தல் வாக்குறுதிகள் அனைத்தும் நிச்சயமாக நிறைவேற்றப்படும் 

 தமிழ்நாடு சட்டமன்றப் பேரவையில் மாண்புமிகு தமிழ்நாடு முதலமைச்சர் திரு.மு.க.ஸ்டாலின் அவர்கள் குறுக்கிட்டு பதில் மாண்புமிகு முதலமைச்சர் மாண்புமிகு பேரவைத் தலைவர் அவர்களே , அ.தி.மு.க. - வைச் சேர்ந்த மாண்புமிகு உறுப்பினர் அவர்கள் ஒரு பெரிய பட்டியலை வரிசைப்படுத்தி , இதையெல்லாம் தேர்தல் அறிக்கையிலே சொன்னீர்களே ஏன் செய்யவில்லை , ஏன் செய்யவில்லை என்று கேட்கிறார்.

 நீங்கள் தொடர்ந்து இரண்டு முறை , அதாவது 10 வருடங்கள் ஆட்சியில் இருந்தீர்கள் . நீங்கள் தேர்தல் அறிக்கையில் சொன்னதையெல்லாம் முழுமையாக செய்து முடித்து விட்டீர்களா ? ( மேசையைத் தட்டும் ஒலி ) அப்படிச் செய்து முடித்திருந்தால் , சொல்லுங்கள் . பல வாக்குறுதிகளை நீங்கள் அந்த 10 வருடங்களில் நிறைவேற்றவேயில்லை . அதற்கான ஆதாரங்கள் இருக்கின்றன : அது மக்களுக்கும் நன்றாகத் தெரியும் . நான் இப்போது சொல்கிறேன்.

நாங்கள் தேர்தல் அறிக்கையில் சொல்லியிருக்கக்கூடிய வாக்குறுதிகளை . உறுதிமொழிகளை. அதிலும் குறிப்பாக இந்த 10 மாதங்களில் , நாங்கள் செய்திருக்கக்கூடிய சாதனைகளைப் போல் எந்த ஆட்சியிலும் செய்யவில்லை என்பதை நான் உறுதியோடு சொல்ல முடியும் . ( மேசையைத் தட்டும் ஒலி ) எனவே , விரைவிலே நீங்கள் என்னென்ன வாக்குறுதிகளைக் கேட்டிருக்கிறீர்களோ , அவற்றையெல்லாம் பட்ஜெட்டிலும் சொல்லியிருக்கிறோம். எனவே , அதுதான் நிச்சயமாக , உறுதியாக , படிப்படியாக அவை நிறைவேற்றப்படும் . எங்களுடைய இலட்சியம் , அதுதான் எங்களுடைய கொள்கை

( மேசையைத் தட்டும் ஒலி )