அரசு ஊழியர்களுக்கு முக்கிய அறிவிப்பு.. 0% ஆகும் அகவிலைப்படி.. கணக்கீட்டில் மாற்றம்!

மத்திய அரசு ஊழியர்களுக்கு 4% அகவிலைப்படி உயர்வாகும் என செய்திகள் வெளியாகி உள்ள நிலையில் மத்திய அமைச்சரவையும் ஒப்புதல் அளித்துள்ளதாக கூறப்படுவதால், அகவிலைப்படி 50% எட்டும். அதன்பின் மீண்டும் அகவிலைப்படி 0% ஆக மாற்றப்படும்.

மத்திய அரசு ஊழியர்களுக்கு சென்ற ஆண்டு அக்டோபர் மாதம் அகவிலைப்படி 4 சதவீதம் உயர்த்தப்பட்டது.இதன் மூலம் ஒட்டுமொத்த அகவிலைப்படி 46 சதவீதமாக உயர்ந்தது. அந்த அகவிலைப்படி உயர்வானது அக்டோபர் மாதம் ஊதியத்தில் வழங்கப்படும் எனவும், இந்த உயர்வு ஜூலை 1, 2023 முதல் பொருந்தும் எனவும் அறிவிக்கப்பட்டுள்ளது.

அதனைத்தொடர்ந்து மார்ச் மாதத்திற்கான அகவிலைப்படி மீண்டும் 4% உயர்த்தப்படும் எனக் கூறப்படும் நிலையில், அது 50% ஆக உயரும். மூன்று மாத அகவிலைப்படி நிலுவைத் தொகையாக மத்திய அரசு ஊழியர்கள், ஓய்வூதியதாரர்களுக்கு வழங்கப்படும். நிலுவைத் தொகையானது, அறிவிக்கப்பட்ட சதவீத உயர்வின் அடிப்படையில் செயல்படுத்தப்படும். உதாரணமாக 4 சதவீதம் அகவிலைப்படி உயர்த்தப்பட்டுள்ளதால், மூன்று மாதத்திற்கு 4 சதவீதம் நிலுவைத் தொகை வழங்கப்படும்.

அகவிலைப்படி எப்படி கணக்கிடப்படுகிறது!

மத்திய அரசு ஊழியர்களின் சம்பளம் 7ஆவது ஊதியக்குழுவின் கீழ், லெவல் 1 முதல் லெவல் 18 வரை வெவ்வேறு தர ஊதியமாக பிரிக்கப்பட்டுள்ளது. இதில், அகவிலைப்படியானது தர ஊதியம் மற்றும் பயணப்படியின் அடிப்படையில் கணக்கிடப்படுகிறது. இதில் லெவல் 1 இல், குறைந்தபட்ச சம்பளம் ரூ.18,000 முதல் ரூ.56900 ஆக உள்ளது. நிலை 2 முதல் 14 வரையிலான ஊழியர்களுக்கு சம்பளம் தர ஊதியத்தின் படி மாறுபடும். நிலை 15, 17, 18க்கு தர ஊதியம் இல்லை. மாறாக, அடிப்படை சம்பளம் முறையே, ரூ.1,82,200, ரூ.2,25,000, ரூ.2,50,000 ஆக நிர்ணயிக்கப்பட்டுள்ளது.

அதன்படி, நிலை 1 இல் உள்ள ஊழியர்களின் தர ஊதியம் ரூ 1800 ஆகும். இதில் அடிப்படை ஊதியம் ரூ.18000. இது தவிர, பயணக் கொடுப்பனவும் (TA) சேர்க்கப்பட்டுள்ளது. லெவல்-1 கிரேடு பே-1800ல் மத்திய ஊழியர்களின் குறைந்தபட்ச அடிப்படை சம்பளம் ரூ.18,000 ஆக இருக்கும்.