சி.பி.எஸ்.இ., எனப்படும் மத்திய இடைநிலை கல்வி வாரியத்தின் கீழ், பிளஸ் 2 பொதுத்தேர்வின் கணித வினாத்தாளில் இடம் பெற்ற 'க்யூ.ஆர்.குறியீடு ' 'ரிக் ரோல்' என்ற, 'யூ டியூப்' வீடியோ பதிவிற்கு சென்றதால் சர்ச்சையானது. எனினும், அந்த வினாத்தாள் பாதுகாப்பானது எ ன, சி.பி.எஸ்.இ., விளக்கம் அளித்துள்ளது. சி.பி.எஸ்.இ.,யின் பிளஸ் 2 வகுப்பிற்கான கணிதத்தேர்வு நேற்று முன்தினம் நடைபெற்றது.
இந்தத் தேர்வுக்கான வினாத்தாள் சிலவற்றில் இடம்பெற்ற க்யூ.ஆர்.குறியீடு பகுதியை, மாணவர்கள் ஸ்கேன் செய்துள்ளனர். சந்தேகம் அப்போது, அது பாடத்திட்டம் தொடர்பான தகவல்களுக்கு மாறாக, ஐரோப்பிய நாடான பிரிட்டனைச் சேர்ந்த புகழ்பெற்ற பாடகர் ரிக் ஆஸ்ட்லியின் பாடல் இடம்பெற்ற யூ டியூப் வீடியோ பதிவிற்கு சென்றது. இந்தச் சம்பவம் தொடர்பான வீடியோக்கள், சமூக வலைதளங்களில் வேகமாக பரவியது. இதனால், அந்த வினாத்தாளின் பாதுகாப்பு குறித்து மாணவர்களிடையே பெரும் சந்தேகத்தை எழுப்பியது. இந்நிலையில், சி.பி.எஸ்.இ., தரப்பில் விளக்கம் அளிக்கப்பட்டுள்ளது. இதுதொடர்பாக அந்த வாரியத்தின் தேர்வு கட்டுப்பாட்டாளர் டாக்டர் சன்யம் பரத்வாஜ் நேற்று வெளியிட்ட அறிக்கை: சி.பி.எஸ்.இ., பிளஸ் 2 கணித வினாத்தாள் முற்றிலும் உண்மைத்தன்மை உடையது; அதன் பாதுகாப்பு விவகாரத்தில் எவ்வித சமரசமும் செய்யப்படவில்லை. ஒரு சில வினாத்தாள் தொகுப்புகளில் உள்ள க்யூ.ஆர்.குறியீடு, யூ டியூப் வீடியோவிற்குச் சென்றதாக புகார் எழுந்துள்ளது. விசாரணை இது, தேர்வின் நம்பகத்தன்மைக்கு எந்தப் பாதிப்பையும் ஏற்படுத்தாது. எனினும், இந்த விவகாரம் மிகவும் தீவிரமாக எடுத்துக்கொள்ளப்பட்டுள்ளது. இதைப் பற்றி விசாரிக்க உத்தரவிடப்பட்டுள்ளது. வருங்காலங்களில் இது போன்ற குளறுபடிகள் நடக்காமல் இருக்க உரிய நடவடிக்கைகள் எடுக்கப்படும். இவ்வாறு அதில் குறிப்பிடப்பட்டு உள்ளது.
'ரிக் ரோல்' என்றால் என்ன?
இது, சமூக வலைதளங்களில், அதிகளவு பகிரப்படும், 'மீம்'களாக வலம் வருகின்றன. யாரேனும் உங்களுக்கு ஒரு லிங்க் அனுப்பி, 'இதைப் பாருங்கள், சூப்பரான வீடியோ' என, குறிப்பிடுவர். நீங்களும் ஆர்வமாக க்ளிக் செய்தால், 1987ல் வெளியான பிரபல ஆங்கில பாடகரான ரிக் ஆஸ்ட்லியின், 'நெவர் கோன்னா கிவ் யூ அப் ' என்ற புகழ்பெற்ற பாடலின் யூ டியூப் வீடியோ தோன்றும். இதை தான், 'ரிக் ரோல்' என அழைப்பர். கடந்த 2007 முதல் பல்வேறு சமூக வலை தளங்களில் இவ்வகை மீம்கள் பிரபலம். மற்றவர்களை ஏமாற்றவும் கிண்டல் செய்யவும் இத்தகைய செயல்பாடுகளை இணையவாசிகள் மேற்கொள்கின்றனர்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி