தொழில்நுட்ப பிரச்சினையால் நீட் மறுதேர்வுக்கான ஹால் டிக்கெட்டை பதிவிறக்கம் செய்ய முடியாமல் மாணவர்கள் கடும் சிரமத்துக்கு உள்ளானார்கள். தொழில்நுட்ப பிரச்சினை சரிசெய்யப்பட்டு வருவதாகவும், அனைத்து மாணவர்களும் ஹால்டிக்கெட்டை பதிவிறக்கம் செய்துகொள்ளலாம் என்றும் தேசிய தேர்வு முகமை அறிவித்துள்ளது.
தேர்வு ரத்து: மருத்துவம் மற்றும் பல் மருத்துவ படிப்பு மாணவர் சேர்க்கைக்காக நீட் (யுஜி) நுழைவுத்தேர்வு நடத்தப்படுகிறது அந்த வகையில், நடப்பு கல்வி ஆண்டு சேர்க்கைக்கான நீட் தேர்வு மே 3-ம் தேதி நடந்தது. வினாத்தாள் கசிந்ததால் அத்தேர்வு ரத்துசெய்யப்படுவதாகவும் மறு நீட் தேர்வு ஜூன் 21-ம் தேதி நடத்தப்படும் என்று தேசிய தேர்வு முகமை (என்டிஏ) அறிவித்தது. இதைத்தொடர்ந்து நீட் மறுதேர்வுக்கான ஹால் டிக்கெட்டை மாணவர்கள் ஜூன் 15-ம் தேதி முதல் பதிவிறக்கம் செய்துகொள்ளலாம் என தெரிவித்தது.
நாடு முழுவதும்... அதன்படி, நீட் தேர்வு மாணவர்கள் தங்களுக்கான ஹால் டிக்கெட்டை நேற்று என்டிஏ இணையதளத்தில் பதிவிறக்கம் செய்ய முயன்றனர். ஆனால், இணையதளத்தில் ஏற்பட்ட தொழில்நுட்ப கோளாறு காரணமாக மாணவர்கள் ஹால்டிக்கெட்டை பதிவிறக்கம் செய்வதில் சிக்கல் ஏற்பட்டது. இணையதளத்தில் பக்கம் திறக்காதது, பதிவிறக்கம் செய்யும்போது பாதியில் நின்றுவிடுவது என பல்வேறு பிரச்சினைகளை நாடு முழுவதும் மாணவர்கள் எதிர்கொண்டனர்.
இதற்கிடையே, என்டிஏ வெளியிட்ட அறிவிப்பில், நாடு முழுவதும் இதுவரை 4 லட்சம் மாணவர்கள் ஹால்டிக்கெட்டை பதிவிறக்கம் செய்திருப்பதாகவும், விரைவில் தொழில்நுட்ப கோளாறு சரிசெய்யப்பட்டு அனைத்து மாணவர்களும் ஹால் டிக்கெட் பதிவிறக்கம் செய்துகொள்ளலா்ம் என உறுதியளித்துள்ளது.
மன உளைச்சல்: வினாத்தாள் கசிந்து தேர்வு ரத்து, மறுதேர்வு, அதற்கான ஹால் டிக்கெட் பதிவிறக்கம் செய்வதில் சிக்கல், மறு தேர்வு எழுதாதவர்களுக்கு கட்டணத்தை திருப்பி அளிப்பதில் பிரச்சினை என நீட் தேர்வு விவகாரத்தில் மாணவர்கள் கடும் மனஉளைச்சலுக்கு ஆளாகியுள்ளனர்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி