தரம் உயர்த்திய பள்ளிகளின் பட்டியல் வெளியிடப்படுமா?

நடப்பு கல்வி ஆண்டில் புதிதாக தரம் உயர்த்தப்பட்ட பள்ளிகளின் பட்டியலைவெளியிட வேண்டும்,' என முதுகலை பட்டதாரி ஆசிரியர் கழகம் வலியுறுத்தியுள்ளது.
முதுநிலை பட்டதாரி ஆசிரியர் கழகம் சார்பில் பணி நிறைவு, பதவி உயர்வுபெற்றோருக்கு பாராட்டு விழா, மாவட்ட பொதுக்குழுக் கூட்டம் நடந்தது. மாவட்ட தலைவர் சந்திரன் தலைமை வகித்தார். அமைப்பு செயலாளர் தனுஷ்கோடி வரவேற்றார். மாநில துணைத் தலைவர் பாஸ்கர் முன்னிலை வகித்தார்.மாநிலத் தலைவர் சுப்பையா மற்றும் பலர் பங்கேற்றனர். புதிய தரம் உயர்த்தப்பட்ட மேல்நிலைப் பள்ளிகளின் பட்டியலை வெளியிட வேண்டும். முதுகலை ஆசிரியர்களுக்கு இரண்டாம் கட்ட கவுன்சிலில் நடத்த வேண்டும் என்பது போன்ற தீர்மானங்கள் நிறைவேற்றப்பட்டன. ஆசிரியர் பழனிவேல்ராஜன் நன்றி கூறினார்.