இந்தியாவில் 5 முதல் 10 சதவீதம் குழந்தைகள் ஆஸ்துமாவால் பாதிக்கப்பட்டு இருப்பதாக இந்திய குழந்தை மருத்துவர்கள் (சென்னை கிளை) செயலாளர் டாக்டர் சோமந்தரம் தெரிவித்தார்.ஒவ்வொரு ஆண்டும் மே மாதம் முதல் செவ்வாய்க்கிழமை (இன்று) உலக ஆஸ்துமா தினம் கடைப்பிடிக்கப்படுகிறது.
மே மாதம் முழுவதும் ஆஸ்துமா குறித்த விழிப்புணர்வு நிகழ்ச்சிகள் நடத்தப்படுகிறது. ஆஸ்துமா நோயால் பெரியவர்கள் முதல் குழந்தைகள்வரை பாதிக்கப்பட்டு வருகின்றனர். குறிப்பாக உலக அளவில் ஆஸ்துமாவால் குழந்தைகள் பாதிக்கப்படுவது அதிகரித்து வருகிறது.இதுதொடர்பாக இந்திய குழந்தை மருத்துவர்கள் குழுமம் (சென்னை கிளை) செயலாளர் டாக்டர் சோமந்தரம் கூறியதாவது:உலகில் வளர்ந்த மற்றும் வளரும் நாடுகளில் ஆஸ்துமாவால் குழந்தைகள் பாதிக்கப்படுவது 5 சதவீதம் அதிகரித்துக் கொண்டே இருக்கிறது. இந்தியாவில் 5முதல் 10 சதவீதம் குழந்தைகள் ஆஸ்துமாவால் பாதிக்கப்பட்டுள்ளனர். கிராமங்களில் இருந்து நகரங்களுக்கு இடம்பெயரும் குழந்தைகள் ஆஸ்துமாவால் பாதிக்க அதிக வாய்ப்புள்ளது. ஆஸ்துமா தொற்று நோய் இல்லை. மூச்சு விடுவதில் சிரமம், மூச்சு வாங்குதல், இருமல், அடிக்கடி சளிப்பிடிப்பது போன்றவை ஆஸ்துமாவின் அறிகுறிகளாகும். இந்த அறிகுறிகள் குழந்தைகளுக்கு இருந்தால் உடனடியாக குழந்தைகள் மருத்துவரை சந்தித்து சிகிச்சைப் பெற வேண்டும். மத்திய, மாநில அரசுகள் ஆஸ்துமா குறித்து பொதுமக்களிடம் விழிப்புணர்வு ஏற்படுத்த வேண்டும்.
இவ்வாறு அவர் தெரிவித்தார்.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி