நேற்று வெளியிடப்பட்ட முடிவில் குளறுபடி: திருத்தப்பட்ட புதிய நீட் தேர்வு முடிவுகளை மீண்டும் இணையதளத்தில் வெளியிட்டது தேசிய தேர்வு முகமை.!! - Kalviseithi - No:1 Educational website in Tamilnadu

Oct 17, 2020

நேற்று வெளியிடப்பட்ட முடிவில் குளறுபடி: திருத்தப்பட்ட புதிய நீட் தேர்வு முடிவுகளை மீண்டும் இணையதளத்தில் வெளியிட்டது தேசிய தேர்வு முகமை.!!

 


குளறுபடியால் நீக்கப்பட்ட நீட் தேர்வு முடிவுகள் மீண்டும் வெளியிடப்பட்டுள்ளது. நடப்பு கல்வியாண்டில்  மருத்துவப் படிப்பில் சேர்வதற்கான நீட் நுழைவுத் தேர்வு கடந்த செப்டம்பர் 13-ம் தேதி நாடு முழுவதும் நடைபெற்றது. இதில், 14  லட்சத்து 37 ஆயிரம் பேர்  தேர்வு எழுதினர். கொரோனாவால்  நீட் தேர்வை எழுதாமல் விட்ட சுமார் 290 பேருக்கு அக்டோபர் 14ல் தேர்வு நடைபெற்றது. இந்நிலையில், நீட் தேர்வு முடிவுகளை தேசிய தேர்வு முகமை  நேற்று வெளியிட்டது.  இத்தேர்வில் நாடு முழுவதும் 7 லட்சத்து 71 ஆயிரத்து 500 பேர் தேர்ச்சி பெற்றுள்ளனர்.தமிழகத்தில் தேர்வு எழுதிய மாணவர்களில் 57,215 பேர் தேர்ச்சி பெற்றதாக  தெரிவிக்கப்பட்டது.


இதற்கிடையே, உத்தரகாண்ட, திரிபுரா மாநில நீட் தேர்வு முடிவு விவரங்களில் குளறுபடி இருந்ததால் சர்ச்சையானது. தேர்வு எழுதியவர்கள் எண்ணிக்கையை விட தேர்ச்சி பெற்றபவர்கள்  எண்ணிக்கை அதிகமாக உள்ளதால், குழப்பம் ஏற்பட்டது.  குளறுபடி ஏற்பட்டதன் காரணமாக நேற்று மாலை வெளியிடப்பட்ட அதிகாரப்பூர்வ நீட் தேர்வு முடிவுகளை தேசிய தேர்வு முகமை  இணையதளத்தில் இருந்து நீக்கியது. இந்நிலையில், மீண்டும் திருத்தப்பட்ட புதிய நீட் தேர்வு முடிவுகளை   nta.ac.in  என்ற இணையதளத்தில் தேசிய தேர்வு முகமை வெளியிட்டுள்ளது.

திரிபுரா மாநிலத்தில் மொத்தம் 3,536 பேர் நீட் தேர்வு எழுதிய நிலையில், 88,889 பேர் தேர்ச்சி பெற்றதாக முதலில் தெரிவிக்கப்பட்ட நிலையில், திருத்தம் செய்யப்பட்டு 1,736 பேர் தேர்ச்சி பெற்றதாக அறிவிக்கப்பட்டுள்ளது. இதனைபோல்,  உத்தரகாண்ட மாநிலத்தில் 12,047 பேர் நீட் தேர்வு எழுதிய நிலையில், 37,301 பேர் தேர்ச்சிப் பெற்றதாக முதலில் தெரிவிக்கப்பட்ட நிலையில், திருத்தம் செய்யப்பட்டு 7,323 பேர் தேர்ச்சி பெற்றதாக அறிவிக்கப்பட்டுள்ளது.

No comments:

Post a Comment

கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.

குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி