பள்ளிகளில் 6ம் வகுப்பு முதல் 8ம் வகுப்புகளில் படிக்கும் மாணவர்களுக்கும் விரைவில் பள்ளிகள் திறக்கப்படும். இந்த வகுப்புகளுக்கு 50 சதவீதம் பாடத்திட்டம் குறைக்கப்படும் என்று பள்ளிக் கல்வித்துறை தெரிவித்துள்ளது. கொரோனா தொற்று காரணமாக கடந்த 9 மாதங்களாக மூடிக்கிடந்த பள்ளிகள் படிப்படியாக தற்போது திறக்கப்பட்டு வருகிறது. முதற்கட்டமாக 10 மற்றும் பிளஸ் 2 வகுப்பு மாணவர்களுக்காக பள்ளிகள் திறக்கப்பட்டன. அவர்களுக்கு பொதுத் தேர்வு நடத்த வேண்டியுள்ளதால், அதற்கேற்ப 40 சதவீத பாடப் பகுதிகள் குறைக்கப்பட்டன.
இதையடுத்து, 8ம் தேதி முதல் 9 மற்றும் பிளஸ் 1 வகுப்புகள் தொடங்கப்பட்டன. அவர்களுக்கு தற்போது குறைக்கப்பட்ட பாடப்பகுதிகள் நேற்று காலையில் மாணவர்களுக்கு வழங்கப்பட்டது. இந்நிலையில், விரைவில் 6 முதல் 8ம் வகுப்புகளும் தொடங்கப்படும் என்று பள்ளிக் கல்வித்துறை அமைச்சர் தெரிவித்துள்ளார். மேலும், அவர்களுக்கான பாடப்பகுதியில் 50 சதவீதம் குறைக்கவும் பள்ளிக் கல்வித்துறை முடிவு செய்துள்ளது. மாநில கல்வியியல் ஆராய்ச்சி மற்றும் பயிற்சி நிறுவனம் இதற்கான ஏற்பாடுகளை செய்துள்ளது. இந்த பணி முடிந்தவுடன், 6 முதல் 8ம் வகுப்புகள் தொடங்கப்படும். இதையடுத்து, 6 முதல் 8 வரை உள்ள வகுப்புகள் தொடங்குவது குறித்து முதல்வர் விரைவில் அறிவிப்பார் என்றும் பள்ளிக்கல்வித்துறை அறிவித்துள்ளது.
No comments:
Post a Comment
கல்விச்செய்தி நண்பர்களே..
நீங்கள் ஒவ்வொருவரும் கல்விச்செய்தியின் அங்கமே..
வாசகர்களின் கருத்து சுதந்திரத்தை வரவேற்கும் இந்தப்பகுதியை ஆரோக்கியமாக பயன்படுத்திக் கொள்ள அன்புடன் வேண்டுகிறோம்.
குறிப்பு:
1. இங்கு பதிவாகும் கருத்துக்கள் வாசகர்களின் சொந்த கருத்துக்களே. கல்விச்செய்தி இதற்கு எவ்வகையிலும் பொறுப்பல்ல.
2. கருத்தை நிராகரிக்கவோ, குறைக்கவோ, தணிக்கை செய்யவோ கல்விச்செய்தி குழுவுக்கு முழு உரிமை உண்டு.
3. தனிமனித தாக்குதல்கள், நாகரிகமற்ற வார்த்தைகள், படைப்புக்கு பொருத்தமில்லாத கருத்துகள் நீக்கப்படும்.
4. தங்களின் பெயர் மற்றும் சரியான மின்னஞ்சல் முகவரியை பயன்படுத்தி கருத்தை பதிவிட அன்புடன் வேண்டுகிறோம்.
-அன்புடன் கல்விச்செய்தி